Minnesota Unemployment Insurance – Xeev MN Pob Nyiaj Thov Pab Thaum Poob Haujlwm

Yog koj nyuamqhuav poob haujlwm losyog koj txoj haujlwm cov sijhawm ua haujlwm raug txo lawm, Tsimnyog koj thov. Teev daimntawv (Application) thov yog qhia kom peb paub tias koj poob haujlwm lawm.

Koj yuav tau thov kom sai li sai tau tom qab koj tsismuaj haujlwm ua lawm losyog koj cov sijhawm ua haujlwm raug txos lawm. Yog koj tseem tos tsis thov, koj yuav plam ib cov nyiaj pab.

Qhov yuav paub tias koj puas muaj feem tau yog teev kom tiav koj daimntawv thov pob nyiaj pab.

• Peb yuav nug koj txog koj txoj haujlwm dhau los thiab yog vim licas koj thiaj tsisua haujlwm lawm.
• Peb yuav nug koj lub tsev haujlwm ib yam nkaus li thiab.
• Tom qab ntawv, peb mam li txiavtxim seb koj puas tsimnyog yuav tau txais pob nyiaj poob haujlwm raws li xeev Minnesota txojcai.
• Peb yuav xa ntawv tuaj ceebtoom rau koj tias ua li ne koj puas tau los tsistau txais cov nyiaj pab.

Koj yuavtsum npaj cov ntaubntawv li nramqab no thaum koj yuav thov. Npaj cov ntaubntawv no ua ntej kom yoojyim thaum teev koj daimntawv thov (Application).

• Tej Ntaubntawv Txog Koj Ntiagtug; xwsli (Npe, Chawnyob, thiab xovtooj) 
• Koj Tus Xaus sau (Social Security number)
• Tus Laisxee Najnpawb losyog tus zauv pejxeem
• Ntaubntawv Tsocai Ua Haujlwm yog tias koj tsisyog xamxaj miskas.
  
  
• Haujlwm Yav Tag ntawm 18-lub hli dhau los, nrog raug: 
  • Lub npe tsev haujlwm, chaw nyob thiab xovtooj 
  • Hnub pib thiab hnub tsum haujlwm 
  • Lawv them koj pestsawg 
  • Yog vim licas koj thiaj tsisua haujlwm rau koj lub tsev haujlwm no lawm. 
• Tus Zauv Tuamtxhab Cia Nyiaj (Bank Account), yog koj xav kom muab koj cov nyiaj tso ncajnraim mus rau hauv koj lub tuamtxhab cia nyiaj.
  

Muaj ob txoj kev thov, thov raw istawsnej thiab huv xovtooj tuaj mus thov.

Siv Istawsnej Thov

• Thov hauv istawsnej uas yog siv lus Askiv. Kom paub ntau dua ntxiv txog tias yuav thov nyob rau hauv istawsnej, mus rau ntawm “How do I apply?” Thov nyob rau hauv istawsnej txhua hnub Monday txog Friday, 6 a.m. txog 6 p.m.

Siv Xovtooj Tuaj Mus Thov

• Koj thov raw koj hom lus Hmoob siv xovtooj hu
• Monday mus txog rau Friday, 8:00 a.m. to 4:30 p.m. 
  • 651-296-3644 Nyob hauv nroog ntxaib
  • 877-898-9090 Nyob tawm hauv nroog ntxaib
  • 866-814-1252 Tsis hnov lus losyog tsis hnov lus zoo - TTY

Yog xav paub ntau dua txog kev siv xovtooj hu tuaj mus thov, mus saib daim yeebyajkiab txog kev thov pob nyiaj pab thaum poob haujlwm (video, 17:35) (Unemployment Insurance Program).

Obpeb hnub tomqab koj teev koj daimntawv thov kev pabcuam tag lawm, koj yuav tau txais ibcov ntaubntawv. Cov ntaubntawv no yuav sau ua lus Askiv. Nws tseemceeb uas koj yuavtsum paub cov lus teev uas xa tuaj rau koj. Peb kuj yuav nug koj ntxiv txog tej ntaubntawv thiab. Hu rau Hauvpaus Kev Pabcuam yog koj xav tau kev pab kom nkagsiab txog cov ntaubntawv uas koj tau txais. Uantej hu tuaj, koj yuavtsum muaj cov ntaubntawv nrog koj kom thiaj yoojyim.

Yog xav paub ntau dua txog kev siv xovtooj hu tuaj mus thov, mus saib daim yeebyajkiab txog kev thov pob nyiaj pab thaum poob haujlwm (video, 17:35) (Unemployment Insurance Program).

Kom tau txais kev pabcuam, koj yuav tau hu tuaj thov txhua-txhua lub limtiam uas koj tseem nrhiav tsistau haujlwm losyog koj lub tsev haujlwm muab koj cov sijhawm ua haujlwm txo lawm.

Lub "limtiam" uas koj thov tuaj, yog thov rau lub limtiam tag los uas yog pib hnub Sunday thiab los txog rau hnub Saturday. Nws tseemceeb heev uas koj yuav tau hu tuaj, tab txawm koj tus askhauj tseem ncua los ntawm kev txiavtxim seb koj puas tsimnyog tau txais kev pab.

Nws muaj ob txoj kev rau koj thov pob nyiaj poob haujlwm: 1. Siv istawsnej thov thiab 2. Siv xovtooj hu tuaj thov.

Siv Istawsnej Thov Kev Pab

Thov kev pab hauv istawsnej uas yog siv lus Askiv. Kom paub ntau dua ntxiv txog tias yuav thov kev pab nyob rau hauv istawsnej, mus rau ntawm “How do I get paid?” Thov kev pab nyob rau hauv istawsnej txhua hnub Monday txog Friday, 6 a.m. txog 6 p.m.

Siv Xovtooj Hu Tuaj Thov Kev Pab

• Koj thov raw koj hom lus Hmoob siv xovtooj hu Monday txog Friday, 8:00 a.m. txog 4:30 p.m.
  • 651-296-3644 Nyob hauv nroog ntxaib
  • 877-898-9090 Nyob tawm hauv nroog ntxaib
  • 866-814-1252 Tsis hnov lus losyog tsis hnov lus zoo - TTY
    

Daimduab nramqab no qhia txog tias hnub thiab sijhawm uas koj yuav hu xovtooj tuaj thov kev pab ntawm pob nyiaj poob haujlwm thaum twg.

Qhov kev xaiv “Thov Pob Nyiaj Pab” tsuas yuav qhib rau koj thaum koj lub caijnyoog sijhawm hu tuaj thov nkaus xwb. Thaum koj hu tuaj, ua raw li cov txheejtxheem nramqab no:

1. Xaiv koj hom lus
2. Ntaus koj tus Xaussaus najnpawb (SS#)
3. Ntaus koj tus Password thiab nias tus cim # tomqab
4. Mloog cov lus hais txog koj tus askhauj
5. Xaiv qhov haistias “Request a Benefit Payment” thov pob nyiaj pab

Yog xav paub ntau dua txog kev siv xovtooj hu tuaj mus thov mus saib daim yeebyajkiab txog kev thov pob nyiaj pab thaum poob haujlwm (video, 17:35) (Unemployment Insurance Program).