Ua tsaug rau koj qhov kev xav tau
Ua tsaug rau koj qhov kev txaus siab koom rau Say Yes! COVID Test (Ua Tau Lawm! Kev Kuaj Kab Mob COVID). Peb muaj kev pab tau yam ncav lub sij hawm rau txoj kev pib no thiab tau siv cov khoom siv uas tseem muaj tsis tau ntau yuav xa tau rau koj cheeb tsam.
Vim Li Cas Thiaj Xaiv Say Yes!
- Pab txo kev sib kis kab mob COVID-19 los ntawm kev kuaj kab mob nyob rau tom tsev thiab tau txais qhov kev kuaj tau los uas siv sij hawm li ob peb feeb
- Cov neeg uas tsis muaj cov tsos mob tshwm sim tseem tuaj yeem sib kis tau kab mob COVID-19, yog li ntawv kev kuaj kab mob thiaj li tseem ceeb rau kev yuav tsum paub txog tias koj puas tau kis kab mob
- Txhawm rau cheem kev sib kis kab mob COVID-19, muaj peb coob leej ntau tus uas yuav tsum tau mus kuaj kab mob kom xwm yeem - txawm yog tias peb tsis muaj cov tsos mob tshwm sim. Ua ke nrog rau qhov kev txhaj tshuaj tiv thaiv kab mob lawm, kev rau ntaub npog qhov ncauj qhov ntswg, kev ntxuav tes, thiab kev nyob sib nrug kom deb, kev kuaj kab mob kom tsim nyog nyob rau tom tsev yuav tiv thaiv tau cov tsev neeg thiab cov phooj ywg, thiab nws yog ib txog hau kev zoo yuav pab tau kev tawm tsam kab mob COVID-19.
- Nrhiav kev paub ntxiv, nyob kom muaj kev nyab xeeb tuaj, thiab rov mus cuag tau cov neeg thiab tej yam uas peb nyiam tsis ntev no
Leej twg thiaj tsim nyog kuaj kab mob?
Txhua leej uas muaj hnub nyoog 2 xyoos nce tuaj yeem koom kev kuaj tau. Nws tseem ceeb heev uas yuav tau kuaj kab mob kom xwm yeem rau cov neeg uas muaj kev tawm mus tsham neeg mob nyob sab nraud, xws li cov me nyuam nyob rau hauv tsev kawm ntawv los sis cov neeg uas siv sij hawm nyob rau hauv qhov chaw muaj neeg nyob ua pab pawg — tsis hais yuav txhaj tshuaj tiv thaiv kab mob tiav lawm los tsis tau!
Puas tau txhaj tshuaj tiv thaiv kab mob?
Kev txhaj tshuaj tiv thaiv kab mob, ua ke nrog rau qhov kev kuaj kab mob, yog txoj hau kev zoo tshaj plaws rau kev tiv thaiv kev sib kis kab mob COVID-19. Cov tshuaj tiv thaiv tus kab mob COVID-19 yeej muaj kev nyab xeeb thiab tiv thaiv kev sib kis kab mob, kev mus pw kho mob, thiab kev ploj tuag tau zoo. Txawm li cas los xij, tseem yuav muaj kev sib kis thiab kis tau tus kab mob vais lav txawm yog tias yuav yog cov neeg twb txhaj tshuaj tiv thaiv kab mob tag lawm los xij, yog li ntawd kev kuaj kab mob tseem yog qhov tseem ceeb heev rau txhua leej txhua tus.
Txhua tus neeg uas muaj hnub nyoog 6 thiab siab dua mas tsim nyog rau kev txhaj tshuaj tiv thaiv kab mob lawm. Cov tshuaj tiv thaiv kab mob COVID-19 mas txhaj dawb rau txhua tus neeg uas nyob rau hauv Teb Chaws Meskas, yam tsis xav txog qhov hla teb chaws tuaj los sis tsis xav txog qhov muaj los sis tsis muaj is saws las kho mob li. Mus saib hauv vaccines.gov thiaj li yuav paub ntau ntxiv.
Peb Lub Cuab Yeej Digital Assistant tuaj yeem pab tau
Txawm yog tias koj qhov cuab yeej kuaj kab mob yuav muaj lus cob qhia txhij lawm los, peb yeej tseem muaj Lub Cuab Yeej Digital Assistant los coj qhia rau qhov kev kuaj ib tog zuj zus.
