Coronafeirws: Y Diweddaraf i’r Diwydiant Twristiaeth
Mae’r sefyllfa’n datblygu’n gyflym. Dilynwch yr adroddiadau ar y newyddion ac i weld y cyngor diweddaraf ewch i wefan wefan Iechyd Cyhoeddus Cymru a gwefan gwefan Busnes Cymru yn rheolaidd.
CYNNWYS BWLETIN - Y rheol ‘aros yn lleol’ yn dod i ben yng Nghymru; Bydd sector lletygarwch Cymru yn paratoi i ailagor yn yr awyr agored; Canllawiau i fusnesau twristiaeth a lletygarwch ar gyfer ailagor yn raddol ac yn ddiogelu; Cam 2 Cronfa Cadernid Economaidd – nawr ar agor ar gyfer ceisiadau; Darparu toiledau mwy diogel i’r cyhoedd; Arolwg Defnyddwyr; Cynllun hunanasesu Barod Amdani; Profi, olrhain, diogelu: canllawiau i gyflogwyr; Hyfforddiant diogelwch COVID-19; Cyflymu Cymru i Fusnesau - Cyrsiau ar-lein am ddim; Prentisiaethau; Gwasanaeth cyfieithu am ddim i fusnesau – Helo Blod; Hyblygrwydd Cynllun Cadw Swyddi; Mesurau i ddiogelu busnesau yr effeithir arnynt gan coronafeirws o gael eu troi allan; Mae’r Sioe Frenhinol Cymru 2020 wedi mynd ar-lein!
Bydd yr angen i aros yn lleol yn Nghymru yn dod i ben ar 6 Gorffennaf. Dywedodd y Prif Weinidog fod yr amgylchiadau yng Nghymru yn golygu bod modd i’r rheol ynghylch aros yn lleol ddod i ben ddydd Llun. Ond, mae Llywodraeth Cymru yn atgoffa pawb am bwysigrwydd cadw pellter cymdeithasol, golchi dwylo’n rheolaidd a pharchu’r lleoedd a’r cymunedau y maen nhw’n ymweld â nhw.
Felly, bydd angen i bobl wneud yn siŵr eu bod yn chwilio am wybodaeth ymlaen llaw cyn ymweld ag ardal, mynd i rywle arall os yw’n brysur yno a’r meysydd parcio’n llawn, sicrhau nad ydynt yn gadael sbwriel, a dangos parch at drigolion lleol.
Yn ogystal, mae’r rheoliadau coronafeirws yn cael eu newid er mwyn caniatáu i deuluoedd ddod ynghyd o ddydd Llun, wrth i’r syniad o aelwydydd estynedig gael ei gyflwyno. Bydd hyn yn galluogi pobl o ddwy wahanol aelwyd i ddod at ei gilydd i greu un aelwyd estynedig.
Gallwch ddarllen y datganiad i'r wasg yn llawn ar Llyw.Cymru.
Mae Llywodraeth Cymru wedi cyhoeddi y cam cyntaf o gynlluniau i ailagor barrau, bwytai a caffis sydd â mannau awyr agored, yn dilyn adolygiad cyflym o’r sector. Am ragor o wybodaeth ewch i wefan Busnes Cymru.
Canllawiau i fusnesau twristiaeth a lletygarwch ar gyfer ailagor yn raddol ac yn ddiogel
Gallwch ddod o hyd i ganllawiau i helpu busnesau twristiaeth a lletygarwch ail-agor yn ddiogel yn ystod pandemig coronafirus (COVID-19) ar Llyw.Cymru.
Mae rhestr o gwestiynau cyffredin sy’n ymwneud â coronafeirws yn cael ei diweddaru'n rheolaidd hefyd ar gwefan Llyw.Cymru. Nodwch, nid yw'r rhain eto'n cynnwys y newidiadau diweddaraf i gyfyngiadau a gyhoeddwyd yr wythnos hon - cofiwch edrych yn ôl yn rheolaidd.
Mae Cam 2 Cronfa Cadernid Economaidd Llywodraeth Cymru yn awr ar agor ar gyfer ceisiadau. Anogir busnesau cymwys i wneud cais heddiw - mae'r gronfa ar agor i geisiadau tan 10 Gorffennaf 2020 (neu hyd nes bydd y Gronfa wedi ymrwymo'n llawn).
Mae rhagor o fanylion ar gael ar wefan Busnes Cymru.
Mae canllawiau ar gyfer reoli toiledau yn ddiogel a ddefnyddir gan y cyhoedd yn ystod pandemig coronafeirws wedi'u cyhoeddi a gellir eu gweld ar wefan Llywodraeth Cymru.
Mae’r adroddiad wythnosol diweddaraf gan ein harolwg Traciwr Defnddwyr y DU bellach ar gael ar wefan Visit Britain. Mae hwn yn rhoi’r canlyniadau diweddaraf inni o agweddau a bwriadau ynghylch cymryd gwyliau yn y DU a Chymru eleni. Mae adroddiad manwl ar broffil ymwelwyr ledled Prydain i’w gyhoeddi ar y safle heddiw sy’n seiliedig ar y gwaith maes o 4 wythnos o’r 18 Mai i’r 12 Mehefin. Bydd adroddiad manwl, sy’n cynnwys yr un cyfnod, am y rhai hynny sy’n bwriadu ymweld â Chymru a’r mathau o deithiau y maent yn bwriadu eu cymryd yn cael ei gyhoeddi ar wefan Llywodraeth Cymru wythnos nesaf a rhagor o wybodaeth am y canfyddiadau ar gael yn ein cylchlythyr yr wythnos nesaf.
Mae safon y diwydiant "Barod Amdani" yn gynllun hunan asesu sydd wedi'i gynllunio mewn partneriaeth â'r sefydliadau Cenedlaethol (Croeso Cymru, Tourism Northern Ireland, Visit Scotland a Visit England) er mwyn rhoi sicrwydd i bob sector o'r diwydiant twristiaeth, yn ogystal â sicrwydd i ymwelwyr, bod gan fusnesau brosesau clir ar waith a'u bod yn dilyn canllawiau gan y diwydiant a'r Llywodraeth ar lendid a phellterau cymdeithasol.
Mae'n golygu y gall busnesau ddangos eu bod yn glynu wrth ganllawiau'r Llywodraeth ac iechyd y cyhoedd. Mae'r cynllun yn rhad ac am ddim i ymuno ac yn agored i bob busnes ar draws y diwydiant.
Bydd yn rhan ganolig o negeseuon Croeso Cymru i ddefnyddwyr dros yr wythnosau nesaf. Hyd yma mae 1,416 o fusnesau Cymru wedi cwblhau'r hunanasesiad i gadarnhau eu bod yn glynu wrth ganllawiau'r Llywodraeth ac iechyd y cyhoedd, wedi cynnal asesiad risg COVID-19 ac wedi gwirio bod ganddynt y prosesau gofynnol wrth iddynt baratoi i ail-agor.
Mae rhagor o fanylion ar gael ar wefan Busnes Cymru.
Profi, Olrhain, Diogelu yw cynllun Llywodraeth Cymru i brofi ac olrhain cysylltiadau a fydd yn helpu dinasyddion Cymru i ddychwelyd i'w bywydau bob dydd yn raddol ac yn ddiogel.
Bydd Profi, Olrhain, Diogelu yn cael ei gyflawni trwy wasanaeth Profi, Olrhain, Diogelu GIG Cymru sy'n cynnwys nifer o bartneriaid sector cyhoeddus yn gweithio gyda'i gilydd i helpu i reoli lledaeniad y feirws.
Mae'r canllawiau hyn yn egluro sut y gall cyflogwyr yng Nghymru chwarae eu rhan i helpu i wireddu strategaeth Cymru ar gyfer Profi, Olrhain, Diogelu er mwyn arafu lledaeniad y feirws, diogelu ein systemau iechyd a gofal ac achub bywydau. Mae hyn yn cynnwys eu cyfrifoldebau i weithwyr a chontractwyr sy'n gysylltiedig â gweithredu eu busnes ac mae'n cynnwys gwybodaeth berthnasol ar gyfer yr hunangyflogedig.
I gael rhagor o wybodaeth am ganllawiau i gyflogwyr, ewch i'r Llyw.Cymru.
Gallwch hefyd ddarllen strategaeth Profi Olrhain Diogelu Llywodraeth Cymru ar gyfer profi'r cyhoedd ac olrhain lledaeniad coronafeirws yng Nghymru yn llawn, sy'n cynnwys cwestiynau a ofynnir yn aml.
Wedi rhyddhau y canllawiau ar gyfer yr Economi Ymwelwyr, mae’n bosibl y bydd busnesau lletygarwch am hyfforddi staff -
Mae’r Awdurdod Gweithredol Iechyd a Diogelwch wedi cyhoeddi nifer o ganllawiau am ddim gan gynnwys mesurau ymarferol ar lanhau, hylendid a hylif diheintio dwylo, allai fod yn ddefnyddiol ar gyfer eich busnes.
Mae’r Asiantaeth Safonau Bwyd yn cynnig canllaw am ddim ar sut i lanhau offer ac arwynebeddau i atal bacteria niweidiol rhag lledaenu i fwyd. Mae’n cynnwys:
- Camau ar gyfer glanhau yn effeithiol
- Diheintio cynnyrch
- Fideo hyfforddi diogelwch bwyd – glanhau yn effeithiol
Enghreifftiau eraill o hyfforddiant ar-lein sydd ar gael ar gyfer y sector lletygarwch fydd o gymorth i chi a’ch staff:
P'un a ydych yn newydd i thechnoleg ddigidol neu'n chwilio am fantais gystadleuol nawr mae pawb ar-lein, bydd y gweminarau hyn yn eich helpu i roi technoleg digidol wrth wraidd eich busnes i sicrhau bod eich cwsmeriaid yn dod o hyd i chi ac yn ymrwymo, yn ogystal â'ch helpu i wella perfformiad
Mae rhagor o fanylion ar gael ar wefan Busnes Cymru.
Mae prentisiaeth yn ‘Ddewis Doeth’ sydd wedi’i greu o gwmpas anghenion y cyflogwr a gall helpu i weddnewid eich busnes trwy gynnig ffordd i fanteisio ar dalent newydd ffres, sy’n meddu ar sgiliau’r sector.
Mae cyllid ar gael yng Nghymru i helpu pob busnes, beth bynnag ei faint: bydd cyflogwyr yn talu cyflogau prentisiaid, fel unrhyw weithiwr cyflogedig arall, a bydd Llywodraeth Cymru yn cynnig cymorth gyda rhai o’r costau hyfforddiant. Mae mwy o fanylion ar gael ar wefan Busnes Cymru.
Mae Helo Blod yn wasanaeth cyfieithu a chynghori Cymraeg cyflym a chyfeillgar i helpu busnesau i ddefnyddio mwy o Gymraeg. Mae gwasanaethau Helo Blod yn cynnwys:
-
Cyfieithu am ddim – Gall Helo Blod gyfieithu hyd at 500 gair i’r Gymraeg, bob mis.
-
Gwirio testun – Mae Helo Blod yn gallu gwirio 1,000 o eiriau bob blwyddyn am ddim, felly byddi di’n hyderus bod y deunydd rwyt ti’n ei ddefnyddio yn Gymraeg yn gywir.
-
Gwasanaethau eraill – Mae Helo Blod yn cynnig cyngor ymarferol, arweiniad a chymorth i helpu i ti ddefnyddio ychydig (neu lawer) o Gymraeg yn dy fusnes. Gallai hyn fod yn rhywbeth mor syml ag archebu laniard a/neu fathodyn i nodi bod staff yn siarad neu’n dysgu Cymraeg.
Ac os oes angen unrhyw beth ychwanegol arall, fe wnaiff Helo Blod dy gyfeirio di at rywun fydd yn gallu helpu.
Picia draw i llyw.cymru/HeloBlod am fwy o wybodaeth.
Bydd gan fusnesau'r hyblygrwydd i ddod â gweithwyr sydd ar ffyrlo yn ôl i weithio'n rhan amser o’r 1af o Orffennaf ymlaen fel rhan o gynllun Llywodraeth y DU i ail-agor y DU a rhoi hwb i'n heconomi. Gallwch ddarllen mwy o fanylion ar Gov.UK.
Mae Llywodraeth Cymru yn estyn ei mesurau er mwyn diogelu busnesau y mae’r coronafeirws wedi effeithio arnynt rhag cael eu troi allan yn ystod yr haf. Mae mwy o fanylion ar gael ar wefan Busnes Cymru.
Bydd y sioe rithwir nid yn unig yn cynnig llwyfan i bartneriaid gynnal seminarau a sesiynau holi ac ateb byw, ond bydd yn canolbwyntio hefyd ar addysgu’r cyhoedd ynglŷn ag amaethyddiaeth, cynnyrch Cymreig a’r amgylchedd. Mae mwy o fanylion ar gael ar wefan Busnes Cymru.
Rydyn ni wedi ymrwymo i ddarparu’r cymorth a’r sicrwydd sydd eu hangen ar fusnesau yn ystod y cyfnod anodd, ddigynsail hwn, ac rydyn ni wedi cyhoeddi nifer o fwletinau sy’n gysylltiedig â’r coronafeirws (COVID-19). Mae’r bwletinau ar gael ar dudalen Bwletinau Coronafeirws i’r Diwydiant Twristiaeth (COVID-19). Mae’r bwletinau diweddaraf isod:
-
02 Gorffennaf: Bwletin - Amserlen ar gyfer ailagor sector twristiaeth a lletygarwch Cymru yn raddol
-
29 Mehefin: Bwletin - Canllawiau’r Economi Ymwelwyr
-
26 Mehefin: Coronafeirws: Y Diweddaraf i’r Diwydiant Twristiaeth
- 19 Mehefin: Coronafeirws: Y Diweddaraf i’r Diwydiant Twristiaeth
- 11 Mehefin: Coronafeirws: Y Diweddaraf i’r Diwydiant Twristiaeth
- 09 Mehefin: Y Gronfa Cadernid Economaidd; datganiad y Prif Weinidog ar dwristiaeth
- 05 Mehefin: Coronafeirws: Y Diweddaraf i’r Diwydiant Twristiaeth
- 03 Mehefin Bwletin - Y Cynllun Cymorth Incwm i’r Hunangyflogedig a chadarnhau’r camau nesaf ar gyfer ffyrlo; Y Gronfa Cadernid Economaidd; COVID-19 – Traciwr Ymddygiad Defnyddwyr; Yswiriant Tarfu ar Fusnes; Profi, Olrhain, Diogelu: canllawiau i gyflogwyr; Canllawiau Arferion Gorau ar weithio’n ddiogel
Gwnewch yn siŵr eich bod yn cael y newyddion diweddaraf ar gyfer y diwydiant twristiaeth drwy ein dilyn ar @CroseoCymruBus, a hefyd anogwch eraill a allai fod ar eu hennill i gael y newyddion diweddaraf drwy danysgrifio i’n cylchlythyr.
|
|
|
|
|